هۆكارى راگیرانى ترانزێتى نێوان ئێران و هه‌رێم ئاشكرابوو
گومرگی ئێران لە راگەیه‌ندراوێکدا بڵاویکردەوە، لە سەر لەبەیانیی ئەمڕۆ دووشه‌ممه، ترانزێتی کاڵا لە رێگای گومرگە هاوبەشەکانمان لەگەڵ هەرێمی کوردستان بەهۆی راگەیاندنی باجی نوێ بۆ بارهەڵگرەکان، راگیراوە.
له راگه‌یه‌ندراوه‌كه‌ى گومرگی ئێران هاتووه "بارهەڵگرەکان کە باریان بەرەو هەرێمی کوردستان دەبرد لە یاسای نوێدا دەبێت 15 هەزار دینار بە کۆمپانیایەکی تایبەت وەکو باج بدەن ئەوەش بۆ دەرکردنی بارنامە و ئەگەر ئەو باجە لە لایەن شۆفێری بارهەڵگرەکانەوە خەرج نەکرێت لایەنی دیکە رێگە بە تێپەڕینی بارهەڵگرەکان نادات".
باس له‌وه‌شكراوه "پاش ئەم بڕیارە شۆفێرە ئێرانی و عیراقییەکان بڕیاریاندا خەرجکردنی 15 هەزار دینار وەکوو تێچووی دەرکردنی بارنامە قه‌بوڵ نەکەن و به‌هۆیه‌وه له ئه‌مڕۆ دووشه‌ممه‌وه هیچ بارهەڵگرێکی عیراقی ناهاتوه‌تە ناو سنوورەکەوە و لە ئێستادا ترانزێتی کاڵا راگیراوە".
ئەگەر پێویستان بە هەر جۆرە کاڵا یان خزمەتێک لە ئێرانەوەیە، لە سەر یەکێک لە بابەتەکانی خوارەوە کرتە بکەن و فۆڕم و بەرژەنامەی ئاراستەکراو پڕ بکەنەوە پێدوایستییەکانتان لەرێگەی باشترین بڕەند و گونجاوترین نرخەوە دابین دەکەین
